Орґанизаторе програмох Централней шветочносци

Главни орґанизаторе програми Централней шветочносци означованя Националного швета Руснацох у Сербиї були Завод за културу войводянских Руснацох, Орґанизацийни одбор Централней шветочносци, Национални совит Руснацох и КУД „Тарас Шевченко”, Дюрдьов.
Попри Заводу за културу войводянских Руснацох, котри финансує програмну часц означованя Швета, орґанизацийни и други роботи финансийно потримали Покраїнски секретарият за културу и явне информованє Влади АП Войводини, Национални совит Руснацох, Општина Жабель, ОШ „Йован Йованович май” Дюрдьов, Покраїнски завод за защиту памятнїкох култури, Музей Войводини, Руска одлога дюрдьовскей грекокатолїцкей парохиї и дюрдьовска Землєдїлска задруґа „Дьордє Зличич”.
Медийну потримовку давали Радио-телевизия Войводини, та НВУ „Руске слово” и єй Рутенпрес.
З нагоди Централней шветочносци, Дюрдьовчанє, насампредз з Орґанизацийного одбору и члени КУД „Тарас Шевченко”, вецей тижнї з добродзечну роботу ушорйовали и пририхтовали простори дзе були програми централного означованя Националного швета Руснацох у Сербиї.