Бал Националного совиту

Всоботу у Новим Садзе отримани Други Национални руски бал, у орґанизациї Националного совиту Руснацох.
Бал отримани у Готелу Нови Сад, а було прейґ 170 госцох зоз скоро шицких местох дзе жию Руснаци у Воводини.
Уходнїца на Бал була 2 тисячи динари, з ню була виплацена вечера и напой под час цалого вечара, а Национални совит Руснацох и дзепоєдни наши установи хторим Совит снователь, за своїх членох и занятих виплацел уходнїцу.

  • NS-Bal-04.JPG
  • NS-Bal-02.JPG

У приємней и веселей атмосфери, госцох забавял Мини-бенд Владу Сивча з Нового Саду, у хторим грали и шпивали Владо Сивч, Агнета Тимко, Саня Полдруги, Мирко Пап и Звонимир Кочиш, а цали часц грали преважно нашу руску музику. Орґанизована и пригодна томбола, за хтору награди подаровали нашо установи,
дзепоєдни нашо уметнїки и привреднїки, а главну награду - бициґлу, вицагнул єден госц з Руского Керестура.
Перши Национални руски бал, Национални совит Руснацох орґанизовал прешлого року, тиж у Новим Садзе, а як плановане, мал би постац традицийни и отримовало би ше го вше у януаре - у викенду тидзень после отримованя Централней шветочносци з нагоди Националного швета Руснацох.

Датум: 23. 01. 2012. - 7:48г