Одлуки и заключеня зоз 6. порядней схадзки

Одлуки и заключеня зоз 6. порядовей схадзки Националного совиту Руснацох

зоз шлїдуюцим дньовим шором:

    1.   Констатованє Билансу стану и Билансу успиху Националного совиту за 2010. рок

    2.   Приношенє одлуки о виносу мешачней рати за роботу подручних канцеларийох Националного совиту

    3.   Прилапйованє Правилнїка о надополнєньох Националного совиту

    4.   Прилапйованє финансийного плану Националного совиту за 2011. рок

    5.   Даванє думаня о финансийним звиту за 2010. рок и финансийним плану за 2011. рок Заводу за културу войводянских Руснацох.

    6.   Менованє предсидателя Одбору за културу Националного совиту и констатованє задзекованя члена Одбору за информованє Националного совиту

    7.   Менованє Комисиї за координованє виробку Националней стратеґиї Руснацох

    8.   Утвердзованє установи у обласци култури од окремней значносци за очуванє, унапредзенє и розвой окремносци националного идентитету рускей националней меншини на териториї Городу Нови Сад и предкладанє преношеня сновательних правох на Город Нови Сад

    9.   Одредзованє особи задлуженей за информованє о роботи Националного совиту и за роботу интернет-сайту Националного совиту

10.   Предкладанє кандидата за члена Совиту за медзинационални одношеня општини Кула

11.   Прилапйованє одлуки о предкладаню Месней заєднїци Р.Керестур о заєднїцким финансованю проєкту "Мрежа за социо-економски розвой"

12.   Рижне.

На схадзки присутни 18 члени Националного совиту.

Точка 1.

Од 18 присутних членох, зоз 11 гласами "за", 3 "процив" и 4 "стримани, Национални совит принєсол

Одлуку

    Констатує ше Биланс стану и Биланс успиху Националного совиту за 2010. рок.

Точка 2.

Национални совит єдногласно принєсол

Одлуку

            Висину мешачней рати за роботу Подручних канцеларийох Националного совиту врациц на уровень зоз першого кварталу 2009. року, кеди виношела 10.000 динари. Потребни средства предвидзиц у буджету Националного совиту за 2011. рок.

Точка 3.

Од 18 присутних членох, зоз 14 гласами "за", 3 "процив" и 1 "стримани, Национални совит принєсол

Одлуку

Прилапює ше Правилнїк о надополнєньох драгових трошкох и паушалох за присуствованє схадзком Националного совиту и його орґанох и за урядово путованя членох Националного совиту.

Точка 4.

Од 18 присутних членох, зоз 14 гласами "за", 3 "процив" и 1 "стримани, Национални совит принєсол

Одлуку

    Прилапює ше финансийни план Националного совиту за средства хтори за 2011. рок опредзелєни зоз буджету Министерства за людски и меншински права за роботу Националного совиту Руснацох, у виносу од 8.540.802,00 динари.

Схадзки Националного совиту, 6 схадзки рочно                        
   

296.580,00

Схадзки Предсидательства, 6 схадзки рочно    
   

80.100,00

Схадзки Вивершного орґану, 6 схадзки рочно
   

69.120,00

Схадзки Одбору за културу, 6 схадзки рочно
   

245.670,00

Схадзки Роботней ґрупи за пропозициї фестивалох, 6 схадзки рочно
   

67.020,00

Схадзки Одбору за образованє, 6 схадзки рочно
   

145.920,00

Схадзки Одбору за информованє, 6 схадзки рочно
   

93.000,00

Схадзки Одбору за младеж и спорт, 6 схадзки рочно
   

157.860,00

Схадзки Одбору за науку, 6 схадзки рочно
   

56.520,00

Схадзки Одбору за урядове хаснованє язика и писма, 6 схадзки рочно
   

62.400,00

Плаци занятих у Националним совиту
   

1.327.200,00

Средства за роботу подручних канцеларийох Националного совиту
   

990.000,00

Средства за роботу орґанизацийох: Руска матка, Дружтво за руски язик, литературу и културу, Пакт Рутенорум, Союз Руснацох Українцох
   

160.000,00

Рати за лизинґ за службени авто БГ 931-397
   

340.230,87

Трошки горива
   

120.000,00

Пораєнє просторийох Националного совиту
   

70.981,13

Телефонски трошки
   

66.000,00

ПТТ трошки
   

9.600,00

Закуп просторийох за подручну канцеларию Националного совиту у Коцуре, за пейц мешаци у 2011. року
   

65.000,00

Канцеларийни материял
   

36.000,00

Програма за обробок плацох
   

21.600,00

Лєтни ґуми за службени авто Националного совиту
   

20.000,00

Одбор за културу
   

1.340.000,00

Одбор за образовање
   

1.400.000,00

Одбор за младеж и спорт
   

500.000,00

Одбор за информованє
   

400.000,00

Одбор за науку
   

200.000,00

Одбор за урядове хаснованє язика и писма
   

200.000,00

Вєдно
   

8.540.802,00

Точка 5.

Од 17 присутних членох, зоз 8 гласами "за", 5 "процив" и 4 "стримани, Национални совит принєсол

Одлуку

            Нє дате позитивне думанє о финансийним звиту за 2010. рок и финансийним плану за 2011. рок Заводу за културу войводянских Руснацох.

Точка 6.

На основи резултатох тайного гласаня за предсидателя Одбору за културу Националного совиту спрам хторих Лидия Пашо достала 11 гласи а Наташа Макаї-Мудрох 6 гласи, Национални совит принєсол

Одлуку

За предсидателя Одбору за културу Националного совиту вибрана Лидия Пашо, професор музики и дириґент, зоз Руского Керестура.

Национални совит констатовал задзекованє Янка Бучка зоз Нового Саду на место члена Одбору за информованє Националного совиту.

Точка 7.

Од 16 присутних членох, зоз 11 гласами "за", 2 "процив" и 3 "стримани, Национални совит принєсол

Одлуку

            Члени Комисиї за координованє виробку Националней стратеґиї то:

- члени Предсидательства Националного совиту

- члени Одбору за науку Националного совиту

- директор Заводу за културу войводянских Руснацох.

Точка 8.

Национални совит єдногласно принєсол

Одлуку

   Руске културно-просвитне дружтво зоз Нового Саду ше утвердзує як установу у обласци култури од окремней значносци за очуванє, унапредзенє и розвой окремносци националного идентитету рускей националней меншини на териториї Городу Нови Сад.

Точка 9.

Национални совит єдногласно принєсол

Заключенє

     Прилапює ше препоруку Одбору за информованє Националного совиту о потреби за творенє интерактивного веб-сайту Националного совиту, як и потребу за администратором веб-сайту. По шлїдуюцу схадзку потребне обезпечиц и конкретни понуканя за виробок того сайту.

Точка 10.

Од 16 присутних членох, зоз 8 гласами за Михайла Зазуляка, 6 гласами за Дюру Папуґу и 2 "стримани", Национални совит принєсол

Одлуку

     До Совиту за медзинационални одношеня општини Кула, Национални совит Скупштини општини Кула предклада Михайла Зазуляка, члена Националного совиту зоз Руского Керестура.

Точка 11.

Од 16 присутних членох, зоз 15 гласами "за" и 1 "стримани, Национални совит принєсол

Одлуку

     Национални совит рускей националней меншини будзе сотруднїк у апликованю до предприступних фондох ЕУ зоз проєктом "Мрежа за социо-економски розвой" и будзе финансовац виробок того проєкту зоз 50% потребних средствох.

                                                                              Предсидатель Националного совиту

                                                                                                    Славко Рац